"Монгол тэмээ-2012" наадам Сайншанд хотноо болно

Ирэх 2 дугаар сарын 10-наас 12-ны өдрүүдэд Дорноговь аймгийн төвд "Монгол тэмээ-2012" тэмээн баяр болно. Уг баяр наадамаар "Тэмээн поло", "Хурдан тэмээний уралдаан", "Буухиа тэмцээн", "Сайхан хос", "Шилмэл буур, ингэ" шалгаруулах тэмцээн уралдаан болж, мөн "Цагаан сар" үзэгсэлэн худалдааг энэ үеэр зохион байгуулахаар төлөвлөж байна.

 

Нийтийн тээврийн үйлчилгээнд иргэд ам сайтай байна

"Шинэ Дорноговь" мөрийн хөтөлбөрийг хэрэгжүүлэх ажлын хүрээнд Сайншанд сумын нийтийн тээврийн үйлчилгээг нэмэгдүүлэх зорилтын хүрээнд 2 чиглэлд нийтийн тээвэр эрхлэх сонгон шалгаруулалтыг тус газраас зарлаж зохион байгуулсны үр дүнд сумын төвд одоогоор 1 чиглэлд нийтийн тээврийн дунд оврын автобус өнгөрсөн 9 дүгээр сарын 1-нээс явж эхлээд байна. Уг чиглэлд "Хулангийн тал" ХХК үйл ажиллагаа явуулж байгаа ба эхний сарын байдлаар 16000 орчим иргэнд үйлчилгээ үзүүлээд байна. Нийт тээврээр зорчиж буй зорчигчийн 60 хувь сургуулийн насны хүүхдүүд үйлчлүүлсэн байна. Цаашид гэр хорооллын чиглэлд нийтийн тээврийн үйлчилгээ үзүүлэх сонгон шалгаруулалт зарлаад байна.

НОГООН ГЭРЭЛ-ЦАГААН ШУГАМ ТЭМЦЭЭНЭЭС

Сайншанд сумын цэцэрлэгүүдийн дунд "Ногоон гэрэл-Цагаан шугам" сэдэвт замын хөдөлгөөний аюулгүй байдлаас урьдчилан сэргийлсэн  тэмцээнийг Аюулгүй хот төслийн хүрээнд сумын ЗДТГ, МХГ, ЗЦТ-тай хамтран зохион байгууллаа. Тэмцээнд 8 цэцэрлэгийн 80 хүүхэд оролцож, 9-р цэцэрлэг 1-р байр, 8-р цэцэрлэг 2-р байр, 3-р цэцэрлэг 3-р байр тус тус эзлэж Өргөмжлөл, мөнгөн шагналаар шагнуулав.

 

СОНГОН ШАЛГАРУУЛАЛТАНД УРЬЖ БАЙНА.

Дорноговь аймгийн Тээвэр автозамын газраас доорхи чиглэлүүдэд нийтийн тээврийн байнгын үйлчилгээ эрхлэх гүйцэтгэгчийг сонгох тухай сонгон шалгаруулалтанд оролцохыг урьж байна.

     - Хотын доторхи нийтийн тээвэр /2 чиглэлд дунд оворын автобусаар/

     - Хотын доторхи нийтийн таксийн үйлчилгээ

     - Сайншанд-Хамрын хийд-Хар уул чиглэлийн нийтийн тээвэр


Сонирхсон этгээд сонгон шалгаруулалтын баримт бичиг болон бусад мэдээллийг албан бичгээр хүсэлтээ гаргаж доорхи хаягаар авч болно.

Хаяг. Дорноговь аймгийн Тээвэр автозамын газар

Сайншанд сум. 3-р баг. Алтанговийн гудамж. Тээврийн хэрэгслийн оношлогоо хяналт зохицуулалтын Дорноговь аймаг дахь салбарын 2 давхар

Утас: 22248

НЭГ ӨДРИЙН ЦАЛИНГАА ХАНДИВЛАЛАА.

             Япон Улсад болж буй газар хөдлөлт цунамигаас үүссэн гарз хохирол гамшгийн хэмжээнд хүрч хүний амь нас, эрүүл мэнд, эдийн засгийн хэмжээшгүй их хохирол учраад байгаа үед Японы ард түмэнд учирсан хохирлоо даван туулахад зориулж Тээвэр автозамын газрын хамт олон нэг өдрийн цалингаа хандивлалаа.

         САЙН ҮЙЛС ДЭЛГЭРЭХ БОЛТУГАЙ.

ТҮМЭН ОЛНОО ТҮГЭЭХ УРИАЛГА

Эрхэм хүндэт Танд буяны чуулган хуралдан, буман учрал бүрдсэн энэхүү өлзийт өдрийн айлтгал мэндийг дэвшүүлэхийн ялдамд эрдэнийн есөн хүсэл тань сэтгэлчлэн бүтэж, эрдэм соёл түгэн дэлгэрч, эрүүл энхийн жаргал амсан, эд баялаг хуран цуглахын билэгтэй сайхан ерөөлийг өргөе.

Нутаг орныхоо мандан бадрал, хөгжил дэвшлийн алхаа, ирээдүйн бүтээн байгуулалт, хүн ардын энх түвшин амьдралын төлөө олныг санаж сэдэж, төр засгийн бодлогыг орон нутагт хэрэгжүүлэх үүрэг хүлээсэн бидний ажил үйлсийн эрч хүч, итгэл үнэмшил, зүтгэл бүтээлийн зам мөрийг сүүн цагаан сэтгэлээр тэтгэж байдагт тань талархаж явдгаа энэ дашрамд илэрхийлье.
Дорнын говьд гэрэлт ирээдүй, шинэ сэргэлт, их бүтээн байгуулалтын уриа дуудлага сонсогдож байна. Сайншандын хүнд аж үйлдвэрийн цогцолбор, өмнөд бүсийн төмөр замын сүлжээ, босоо тэнхлэгийн авто зам баригдан, орчин үеийн үйлдвэржсэн аймаг болох гэгээн хүсэл зорилго биелэгдэх сайхан цаг холгүй байна.
Дорноговьчууд бид эдгээр том бүтээн байгуулалтыг багцалсан сум шиг нэгдсэн бодлогоор эв эеэ хичээж, эрч хүчтэй зохион байгуулж чадна гэдгээ бусдад харуулах хариуцлагатай цаг мөчид тулж ирлээ.
Аймаг байгуулагдсаны түүхт ойг угтсан 80 бүтээлч ажлууд ч биднийг тосон хүлээж байна.
Өргөн цар хүрээтэй энэхүү 80 ажлыг бүрэн дүүрэн цогцлоон бүтээхэд хүн болгон чин сэтгэлээсээ дэмжин оролцож, хөрөнгө санхүүгийн хандиваа нэгтгэхийг Та бүхэндээ хандан уриалж байна.
Сайн санаа, сайхан сэтгэлийн илэрхийлэл болгон өргөсөн Таны хандив Дорноговь аймгийн хөгжил дэвшлийн хуудсанд нэгэн шинэ өнгө төрх болон үлдэх болно.
Их ноён хутагтын авшиг ерөөл оршоосон, өнө мөнхийн түүх, өндөр хувь заяатай энэ ус нутгийнхаа хөгжил цэцэглэлтийн төлөө итгэл төгс, сэтгэл өөдрөг хөдөлмөрлөх хүсэл тэмүүлэл та бидэнд дүүрэн байна.
Дорноговь аймаг байгуулагдсаны түүхт 80 жилийн ой, төрт ёсны хүндэтгэлийн их цэнгэл баяр наадмаа эрхэм зорилго, дэвшүүлсэн бодлогоо биелүүлэн, өндөр бүтээл, өргөн амжилтаар угтацгаая.

Таныг хүндэтгэсэн,

Дорноговь аймгийн
Иргэдийн Төлөөлөгчдийн Хурал                                                         Засаг даргын Тамгын газар 


Дорноговь аймаг байгуулагдсаны 80 жилийн ойн хандивын данс:
Хадгаламж банк ₮-28150002443, $-28150004198

Дархан- Уул аймагт ажиллав.

      Аймгийн Засаг даргын тамгын Хөгжлийн бодлогын хэлтэс түүний харьяа агентлагын удирдлага, Цагдаагын газрын ЗЦТ, ХЖТ-ын дарга нарын бүрэлдэхүүнтэй баг Дархан-Уул аймгийн ЗДТГ-ын Хөгжлийн бодлогын хэлтэс, түүний харьяа агентлагын үйл ажиллагаа, ажлын туршлагыг судлав. Дархан хотын хөгжил, бүтээн байгуулалт, хөгжлийн хандлагыг газар дээр нь судлаж мөн зам, тээврийн салбарын үйл ажиллагаатай танилцаж, харилцан туршлага судлан ажиллаа.

Тээврийн хэрэгслийн техникийн хяналтын үзлэг, оношлогоо эхэллээ.

      

Аймгийн Засаг даргын 2011 оны А/22 дугаар захирамжаар Тээврийн хэрэгслийн техникийн хяналтын үзлэг, оношлогоог 2 дугаар сарын 14-нөөс 5 дугаар сарын 30 хүртлэх хугацаанд аймгийн хэмжээнд явуулахаар баталлаа. Энэ ажлын хүрээнд сум, байгууллага бүр ажлын хэсэг байгуулж, бэлтгэл ажлыг хангуулах, автотээврийн болон өөрөө явагч хэрэгслийн албан татвар, орон нутгийн зам ашигласны төлбөрийг төвлөрүүлэх, тээврийн хэрэгслийн өнгө үзэмж, бүрэн бүтэн байдлыг хангуулах ажлыг зохион байгуулна. 

Сайншанд хотын төв зам

"Цагаан сар" хяналт шалгалтын нэгдсэн арга хэмжээ эхэллээ

Аймгийн Засаг даргын удирдамжаар батлагдсан "ЦАГААН САР" хяналт шалгалтын нэгдсэн арга хэмжээ 2011 оны 2 дугаар сарын 2-ны өдрөөс эхлэн явагдаж байна. Энэ долоо хоногт "Нийтийн тээвэр-Такси" гэсэн хэсэгчилсэн арга хэмжээ явагдана. Энэ ажлын хүрээнд замын хөдөлгөөнд оролцож байгаа зорчигч, жолооч, тээврийн хэрэгслийг шалгах ба замын хөдөлгөөний аюулгүй байдлыг хангуулах, зөрчил осол гэмтлээс урьдчилан сэргийлэх ажлыг зохион байгуулна. Нэгдсэн арга хэмжээг зохион байгуулахаар Тээвэр автозамын газар, Мэргэжлийн хяналтын газрын автотээврийн улсын байцаагч нар, Замын цагдаагийн тасаг, хэсгийн төлөөлөгч нар ажиллах болно.

Автотээврийн болон өөрөө явагч хэрэгслийн албан татвар өөрчлөгдлөө.
Аймгийн ИТХ-ын ээлжит 6 дугаар хуралдаан 2010 оны 12 дугаар сарын 26-ны өдөр хуралдаан болж Автотээврийн болон өөрөө явагч хэрэгслийн албан татварын хэмжээг баталлаа.  
"Автотээврийн болон өөрөө явагч хэрэгслийн албан татвар өөрчлөгдлөө." цааш унших »
(Нийт: 11)